Consello Dirección

As funcións do Consello de Dirección serán:

• Promover, elaborar e aprobar a execución do Plan Acción da Reserva de Biosfera.
• Analizar os condicionamentos económicos e sociais, tanto internos coma externos, da Reserva de Biosfera.
• Identificar as oportunidades que se abren para a Reserva de Biosfera, e posibles liñas de actuación.
• Velar polo cumpro dos obxectivos anuais do Plan de Acción.
• Aprobar as actuacións a levar a cabo no marco do Plan de Acción da Reserva de Biosfera.
• Aprobar os presupostos para a Reserva de Biosfera.
• Vixiar que a xestión económica se faga de acordo aos presupostos aprobados.

Este Consello reunirá como mínimo unha vez cada ano, e estará formado por:

 

• A Presidencia da Asociación Mariñas-Betanzos.
• A Vicepresidencia da Asociación Mariñas-Betanzos
• 1 representante de cada un dos Concellos que conforman a Reserva de Biosfera, caso de non estar xa representados e través da Presidencia e/ou Vicepresidencia.
• 8 representantes das entidades sociais e económicas da Asociación “Mariñas-Betanzos”
• 4 representantes da Xunta de Galicia (Consellarías con competencias en materia de Conservación da Natureza, Ordenación do Territorio e Paisaxe, Agricultura e Desenvolvemento Rural, así como Pesca e Medio Mariño).
• 4 representantes da Deputación da Coruña.
• 1 representante do Consorcio Das mariñas.
• 1 representante do Ministerio con competencias en materia de Costas.
• 1 representante das Entidades de Custodia que están a desenvolver a súa actividade no territorio.
• 2 representantes do Comité Científico da Reserva de Biosfera.
• 1 representante do Comité MaB de España.
• 2 representantes do Comité de Participación.
• O Xestor da Reserva de Biosfera “Mariñas coruñesas e Terras do Mandeo”.