Bolsa de Terras

VISOR DA BOLSA DE TERRAS DA RESERVA DE BIOSFERA MARIÑAS CORUÑESAS E TERRAS DO MANDEO

As parcelas dispoñibles pódense consultar no seguinte visor

 

Que é a Bolsa de Terras?

Trátase dunha ferramenta para a dinamización de terras agrarias sen uso e/ou abandonadas. Unha base de datos de intercambio entre propietarios e emprendedores, ben sexa a través de fórmulas de cesión, aluguer ou venta.

Que  ofrecemos?

A Reserva de Biosfera porá en contacto a ámbalas dúas partes de cara ao achegamento de necesidades mutuas, asesorando de cara aos posibles acordos a formalizar. Por outra parte, os futuros emprendedores contarán con apoio de aconsellamento respecto a formación, aptitude agraria do terreo ou producións consideradas como oportunidades de mercado.

SE POSÚES TERRAS ACTUALMENTE SEN USO OU PRECISAS SUPERFICIE PARA PRÁCTICAS AGRARIAS  APÚNTATE.

Más información,

ADR Mariñas Betanzos, c/San Marcos, s/n / 15318 Abegondo- A Coruña

981 669 541 / info@marinasbetanzos.org

DSC_0029

A BOLSA DE TERRAS DA RESERVA DE BIOSFERA

POR QUE XORDE? No territorio da Reserva de Biosfera, ao igual que en gran parte de Galicia, vénse manifestando desde hai varios anos un proceso de abandono das actividades agrarias que, entre outras consecuencias, ten o seu reflexo no crecente número de terras agrarias ociosas ou abandonadas. Isto supón consecuencias negativas non só desde o punto de vista da produtividade agraria senón tamén en relación ao medio ambiente e a biodiversidade. O abandono de terras nas paisaxes de agricultura tradicional galegas supuxo a expansión das áreas de mato, coa conseguinte perda de hábitats seminaturais de elevado valor ecolóxico e cultural ligados á actividade humana.

En moitos casos esta expansión considérase globalmente negativa porque implica o desenvolvemento de gran cantidade de biomasa, supoñendo un importante incremento do risco de incendios e as súas consecuencias.

Noutros casos, esas terras abandonadas son ocupadas por plantacións forestais conformadas por especies de crecemento rápido. Así, a substitución e simplificación dos mosaicos naturais de usos do solo característicos do medio rural tradicional por monocultivos empobrece enormemente a biodiversidade asociada aos primeiros.

A Asociación Mariñas-Betanzos, ente xestor da RB “MCeTM”, leva dende o ano 2011 traballando no fomento da inserción laboral no sector agroalimentario a través dos Programas Integrados para o Emprego. promovidos pola Consellería de Traballo e Benestar da Xunta de Galicia. Deste xeito, cerca de 350 persoas desempregadas teñen recibido ou están a recibir na actualidade formación teórico/ práctica centrada principalmente na produción agroecolóxica, na elaboración de transformados agroindustriais e no “emprego verde”.

A experiencia recollida grazas ao contacto diario co alumnado nos ten permitido coñecer as súas principais necesidades de cara a poder materializar as ideas pretendidas. Entre estas eivas reflíctense de maneira moi destacada as dificultades de acceso a terreos de produción así como o investimento necesario para o establecemento de estruturas para a produción e/ou transformación agroalimentaria.

Esta situación contraponse á crecente cantidade de terreos improdutivos na Reserva, co inmobilismo socioeconómico e os prexuízos medioambientais conseguintes. Porén, xorde a idea da creación da Bolsa de terras da Reserva de Biosfera Mariñas Coruñesas e Terras do Mandeo.

 

IMGP5089_Granxas de Lousada

3 comentarios en “Bolsa de Terras

  1. Estou desexando que se poña a andar o proxecto do “banco de terras”, no que está a traballar a Asociación das Maríñas, coa esperanza de que sexa un pouco máis doado atopar fincas para cultivalas. Darlles o meu humilde apoi para o proxecto.
    Hoxe estiven percorrendo o val de Loureda, en Arteixo, e vexo que efectivamente, máis do 90% do solo, está abandoado. Eu tiña entendido que era un val moi fértil hai anos. Este é un exemplo da cantidade de zonas nas que se pode apreciar este mesmo problema. Pero non creo que lles esté a descubrir nada novo. Dende hai un tempo estou percorrendo o entorno rural dos distintos concellos que forman parte da Asociación, para coñecer os lugares e en algún momento cumplir o meu soño, que é traballar (e se fose posible), vivir no rural. Un saúdo.

  2. Pingback: Estrategias para recuperar las tierras abandonadas

  3. Pingback: Estratexias para recuperar as terras abandonadas

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s